Course Overview

OSH Academy გთავაზობთ ,,მიკროკლიმატის და ფიზიკური ფაქტორების გაზომვების სპეციალისტის კურსს“.

ტრენინგი განკუთვნილია:

• შრომის უსაფრთხოების სპეციალისტებისთვის,
• პირებისთვის, რომლებიც უშუალოდ ჩართული არიან მიკროკლიმატის და ფიზიკური ფაქტორების გაზომვების ჩატარების პროცესში,
• პირებისთვის, რომლებიც პასუხისმგებლები არიან კომპანიაში მიკროკლიმატის და ფიზიკური ფაქტორების მაჩვენებლების კონტროლზე და პრევენციაზე,
• შრომის უსაფრთხოების სისტემის მართვაში ჩართული ნებისმიერი პირისთვის,
• ორგანიზაციის ხელმძღვანელებისთვის, რომლებისთვისაც მნიშვნელოვანია დასაქმებულ პირთა უსაფრთხოება და ჯანმრთელობა,
• საკითხით დაინტერესებული ნებისმიერი პირისთვის.

კურსის ხანგრძლივობა – 12 საათი.

ასევე, დაინტერესების შემთხვევაში, შესაძლებელია აღნიშნული კურსის კონკრეტული სპეციფიკის ორგანიზაციაზე და მის საჭიროებებზე მორგება.

კურსის მიზანი:

• მიკროკლიმატის და ფიზიკური ფაქტორების მნიშვნელობის გაცნობა და გააზრება.
• საკანონმდებლო მოთხოვნების გაცნობა.
• უფლება-მოვალეობების და პასუხისმგებლობების გაცნობა.
• მიკროკლიმატთან და ფიზიკურ ფაქტორებთან დაკავშირებით არსებული საფრთხეების, რისკების, მოსალოდნელი პროფესიული დაავადებების და გასატარებელი პრევენციული ღონისძიებების შესახებ ინფორმაციის მიწოდება.
• გაზომვების ჩატარების პრინციპების გაცნობა.
• პრაქტიკული უნარ-ჩვევების გამომუშავება.

ტრენინგი შესაძლებელია ჩატარდეს, როგორც დისტანციურ, ასევე არადისტანციურ ფორმატში, ქვეყანაში მოქმედი ყველა რეგულაციის დაცვით.

ტრენინგის დასრულების შემდგომ გაიცემა სერტიფიკატი. სერტიფიკატის ასაღებად აუცილებელია:

• მსმენელი სრულყოფილად დაესწროს ტრენინგს,
• ტრენინგის დასრულების შემდეგ მსმენელმა წარმატებით ჩააბაროს საგამოცდო ტესტი. ტესტი წარმატებით ჩაბარებულად ითვლება თუ მსმენელი შეკითხვების მინიმუმ 70%-ს გასცემს სწორ პასუხს.

ტრენინგს უძღვებიან შრომის უსაფრთხოების სფეროში მრავალწლიანი გამოცდილების მქონე, მაღალკვალიფიციური ტრენერები.

ტრენინგის ღირებულება დგინდება ინდივიდუალურად, დაინტერესებული ფიზიკური პირებისთვის ან/და კომპანიებისთვის.